ՀՀ քաղաքացիություն ստանալու և հրաժարվելու համար տուրքի չափը փոխվելու է

ՀՀ ԱԺ–ն ընդունեց «Հայաստանի Հանրապետության քաղաքացիության մասին» օրենքում փոփոխություններ և լրացումներ կատարելու մասին ու «Պետական տուրքի մասին» օրենքում փոփոխություններ և լրացումներ կատարելու մասին օրենքների նախագծերի փաթեթը։ Այն ընդունվեց 65 կողմ և 33 դեմ ձայներով։ 

Ըստ այդմ՝ քաղաքացիություն շնորհելու համար տուրքը սահմանվելու է 50 000 դրամ, իսկ քաղաքացիությունից հրաժարվելու համար՝ 150 000 դրամ։ 

Տուրքերի վճարումից ազատվում են քաղաքացիություն չունեցող անձինք և փախստականները։

Հիշեցնենք, որ ՀՀ կառավարությունն այս որոշումն ընդունել է 2024 թվականի հոկտեմբերի 17-ին։