Խայտառակ պատկեր. Առողջապահության նախարարը չի վերահսկում իրավիճակը

Սոցիալական տարբեր հարթակներում պարբերաբար հայտնվում են տեսահոլովակներ, որոնք գովազդում են մեր երկրում ծառայություններ մատուցող կլինիկաներ, դեղատներ տարբեր տեսակի դեղամիջոցներ: Գովազդային հոլովակներում սակայն բացակայում է հիշատակումը տվյալ կլինիկաների կամ դեղատան գործունեության լիցենզիայի մասին, ինչպես նաև ՀՀ առողջապահության նախարարության կողմից տրված գովազի թույտվության մասին: Սա առողջապահության նախարարության կողմից սահմանված գովազի վերաբերյալ պայմանների կոպիտ խախտում է և ստացվում է, որ մի շարք բուժհաստատություններ և ընկերություններ մեր երկրում ապօրինի գործունեություն են ծավալել: Օրինակները բազմաթիվ են, որոնք առողջապահության նախարարության անգործության հետևանքով այսպես ասած ծաղկում են ապրում:

«Սոցիալական հարթակներում տեղի ունեցած փոփոխությունների հետևանքով գովազդների վերահսկողությունը չափազանց բարդ է դարձել: Այո, մենք հեռուտատեսության և այլ լրավականների գովազդների նկատմամբ շատ խիստ պահանջներ ունենք և դրանք շատ հեշտ է վերահսկել: Բայց երբ անթիվ անհամար կայքեր և օգտատերեր սոցցանցերում գովազդ են տեղադրում խնդիրը շատ է բարդանում: Մենք լիցենզավորման բաժնում շարունակ մոնիթորինգ ենք իրականացնում որոնողական մեթոդներով և խախտումներ հայտաբերելու դեպքում դիմում ենք տեսչական մարմիններին: Բայց ընդհանուր առմամբ այս խնդիրը ակտուալ է ոչ միայն Հայաստանում այլև աշխարհի տարբեր երկրներում»,- այսօր ասաց ՀՀ առողջապահության նախարար Անահիտ Ավանեսյանը:

Այստեղ հարց է առաջանում տիկին նախարարին: Ինչպես է ստացվում, որ Auroranews-ը և բազմաթիվ այլ քաղաքացիներ նկատում և արձանագրում են այդ խախտումները, իսկ նախարարությունը` ոչ: Ինչպես է ստացվում, որ տարբեր բուժհաստատություններ տևական ժամանակ խախտում են օրենքը և անպատիժ մնալով շարունակում իրենց ապօրինի գործունեությունը: Ինչպես է ստացվել, որ հեռուստաընկերությունները այլ լրատվամիջոցները ԱՆ-ի կողմից գտնվում են խիստ վերահսկողության տակ և այսպես կոչված մանրադիտակով զնվում է սահմանված բոլոր դետալներն, իսկ սոցցանցերում միանգամայն բարձիթողի վիճակ է:

Անահիտ Ավանեսյանի հայտարարությունը խոսում է նաև այն մասին, որ նա և իր ղեկավարած գերատեսչությունը փաստացի չեն տիրապետում իրավիճակին: Պատկերն այսպիսին է. սահմանվել են գովազդի մասին խիստ պահանջներ, որոնք ՀՀ առողջապահության նախարարությունը ի վիճակի չէ պատշաճ կերպով կիրառել: Այո, օգտագործելով սոցհարթակաները բազմաթիվ կլինիկաներ դեղատներ գովազդի մասով անում են այն ինչ ուզում են: Այստեղ ևս մեկ հարց է ծագում տիկին նախարարին. ո՞րն էր գովազդի մասին նման պայմանների ընդունման իմաստը, եթե դրանք դյուրին եղանակով շրջանցվում են: Սրա պատասխանատուն առողջապահության նախարարությունն է և նախարար Ավանաեսյանը, որը որպես պատճառաբանություն ներկայացնում է սոցցանցերում անթիվ անհամար կայքերի և օգտատերերի առկայությունը: Սա ոչ այլ ինչ է քան խայտառակություն:

Սա ընդունված օրենքը օդից կախված թողնելու հերթական վառ օրինական է, որը առաջին հերթին պետք է կոշտ արձագանքի արժանանա կառավարության ղեկավար Նիկոլ Փաշինյանի կողմից: Auroranews-ը ներկայացնում է սոցհարթակներում հրապարակված բուժհաստատության մասին գովազդային հոլովակներ որտեղ բացակայում են լիցենզիայի մասին իրազեկումը, ինչպես նաև առողջապահության նախարարության կողմից տրամադրված գովազդի թույլտվության մասին տեղեկությունը: Հոլովակներ, որոնք ևս վրիպել են նախարարության ուշադրությունից:

Auroranews-ն այս հրապարակումներից հետո ամենայն ուշադրությամբ սպասելու է, թե ինչ քայլեր և գործողություններ է իրականացնելու ԱՆ-ն և կոնկրետ ինչ պատժամիջոցներ են կիրառվելու տվյալ խախտումների վերաբերյալ: