Լոս Անջելեսը կարծես դժոխքի դարպաս լինի
Մահացու անտառային հրդեհներ, որոնք ոչնչացրել են հազարավոր տներ և ձեռնարկություններ: Մի քանի խորհրդանշական տեսարժան վայրեր վնասվել կամ ոչնչացվել են, քանի որ անտառային հրդեհները շարունակում են այրել Հարավային Կալիֆորնիան: Այս պահին Լոս Անջելեսում մոլեգնում է պատմության մեջ ամենաավերիչ հրդեհը։ Հայտնի է 11 զոհի մասին, իսկ ավելի քան 200 հազար մարդ ստիպված է եղել լքել իրենց տները։
Աշխարհի տարբեր լրատվամիջոցներ այսպես են վերնագրում նորությունները. «Լոս Անջելեսի լուսաբացը կարծես դժոխքի դարպաս լինի: Կարծես ֆիլմ լինի, բայց այդպիսի ֆիլմ չի եղել»: Տիեզերքից արված արբանյակային պատկերները ցույց են տալիս, որ Լոս Անջելեսի շուրջ անկառավարելի, մոլեգնող բազմաթիվ հրդեհներ են, որոնք ավերում են հարյուրավոր տներ:
Լոս Անջելեսի տարածքում անտառային հրդեհները մարելու համար աշխատող հրշեջները դժվարությունների են հանդիպում, քանի որ ջրի պակաս ունեն: Հայտնել են ջրի վատ ճնշման մասին, նաև նշել են, որ մոտակա ջրամբարը փակվել է, այժմ փորձում է պարզել, թե ինչու:
Պարետային ժամը խախտելու համար ձերբակալված յուրաքանչյուր ոք կարող է մեղադրվել հանցագործության մեջ, մինչև 1000 դոլար տուգանքով և հնարավոր բանտարկությամբ: Հրշեջ ավիացիայի աշխատանքներին միջամտելը կամ խանգարելը կարող է հանգեցնել մեկ տարվա ազատազրկման և 75,000 ԱՄՆ դոլարի տուգանքի: Լոս Անջելեսի ոստիկանության տվյալներով՝ հրդեհը հետաքննվում է որպես հրկիզում:
Լոս Անջելեսի արտակարգ իրավիճակների վարչության բարձրաստիճան պաշտոնյան ասում է, որ «չի կարող բացատրել, թե որքան է ցավում», որ բնակիչները շարունակում են կեղծ և սխալ ահազանգեր ստանալ իրենց հեռախոսներով տարհանման մասին, բայց նաև ասում է, որ չանջատեն առայժմ հեռախոսներն ու հետևեն հրահանգներին:
Ավելի քան 45,000 մարդ ստորագրել է խնդրագիր, որը պահանջում է Լոս Անջելեսի քաղաքապետ Կարեն Բասի հրաժարականը՝ վկայակոչելով քաղաքում ճգնաժամի սխալ կառավարումը:
Նորընտիր նախագահ Դոնալդ Թրամփը Կալիֆոռնիայի նահանգապետ Գևին Նյուսոմին մեղադրել է շրջանում մոլեգնող «ապոկալիպտիկ» անտառային հրդեհների մեջ:
Նախագահ Բայդենը հայտարարել է, որ դաշնային կառավարությունը ծածկում է Հարավային Կալիֆորնիայի բնական հրդեհներին արձագանքելու ծախսերի 100% - ը առաջիկա վեց ամիսների ընթացքում՝ ավելացնելով աջակցությունը շարունակվող ճգնաժամին:
Ավելի քան 400 ընտանի կենդանիներ տեղափոխվել են Էթոն ավերիչ հրդեհի հետևանքով: Փասադենայի մարդասիրական ընկերությունը լուծում է տվել այս խնդրին և օգնություն է տրամադրում այրվածքներ ունեցող կենդանիներին:
Լոս Անջելեսում միլիոնատերը քննադատության ալիք է բարձրացրել այն բանից հետո, երբ սոցիալական ցանցերում մասնավոր հրշեջներին «ցանկացած գումար» վճարելու խնդրանք է հրապարակել, մոլեգնող հրդեհից իր տունը պաշտպանելու համար:
Սանտա Մոնիկայում էլ կայանատեղիի աշխատակիցը տուգանք է գրել այն ժամանակ, երբ հարևանությամբ հրդեհն է մոլեգնել, որն առաջացրել է բնակիչների քննադատությունը: Նրա գործողությունը որակել են անմարդկային ու դատի տվել:
