Փերիս Հիլթոնի տունն ամբողջությամբ այրվել է

Հեռուստահաղորդավարուհի, դերասանուհի և մոդել Փերիս Հիլթոնի տունը Մալիբուում ամբողջությամբ ավերվել է Կալիֆոռնիայի Լոս Անջելես շրջանին պատուհասած հրդեհի հետևանքով։ Այս մասին չորեքշաբթի հայտնել է TMZ պորտալը՝ վկայակոչելով աղբյուրներ։

Նրանց տեղեկություններով՝ այրված տանը Հիլթոնը մշտապես չի ապրել, դա նրա սեփականություններից մեկն է եղել:

Կալիֆոռնիայի հրշեջ ծառայության տվյալների համաձայն՝ Լոս Անջելեսում հրդեհների ընդհանուր մակերեսը հասել է գրեթե 11 հազար հեկտարի։ Հրդեհը ավերել է ավելի քան 1000 շենք, մահացել է առնվազն հինգ մարդ: Հարյուր հազարավոր մարդիկ մնացել են առանց էլեկտրաէներգիայի: