Պանամայի ջրանցքի շուրջ բանակցություններ են ընթանում. Թրամփ

ԱՄՆ նորընտիր նախագահ Դոնալդ Թրամփը հայտնել է, որ արդեն բանակցություններ են ընթանում Պանամայի իշխանությունների հետ համանուն ջրանցքի հարցի շուրջ: Այս մասին գրում է РИА Новости–ն:

Ավելի վաղ հայտնել էինք, որ Պանամայում ցուցարարներն այրել են ամերիկյան դրոշն այն բանից հետո, երբ Թրամփը հայտարարել է, որ ցանկանում է վերադարձնել Պանամայի ջրանցքը։

Դոնալդ Թրամփը հայտարարել էր, որ ԱՄՆ-ը կպահանջի վերադարձնել ջրանցքի նկատմամբ վերահսկողությունը, եթե Պանաման չնվազեցնի նավերի երթևեկության մաքսատուրքերը։ Ի պատասխան` Պանամայի նախագահ Խոսե Ռաուլ Մուլինոն ասել է, որ ջրանցքն ամբողջությամբ պատկանում է իր երկրին։

Պանամայի ջրանցքը բացվել է 1920 թվականի հունիսին։ Այն կապում է Խաղաղ և Ատլանտյան օվկիանոսները։ Պանամայի ջրանցքը առանցքային դեր է խաղում միջազգային առևտրում, հատկապես պատժամիջոցների տակ գտնվող Ռուսաստանի համար: