Կաթվածահար է Հարավային Կորեայի պետական ​​կառավարումը. հյուսիսկորեական ԶԼՄ

Կորեայի Հանրապետությունում կառավարումը կաթվածահար է իշխող ճամբարի և ընդդիմության միջև քաղաքական առճակատման հետևանքով, որը ներառում է նախագահ Յուն Սեոկ Յոլի և վարչապետ Հան Դեոկ Սուի իմպիչմենտը: Նման գնահատական ​​է տվել Կորեայի կենտրոնական հեռագրական գործակալությունը (Հյուսիսային Կորեա):

Հյուսիսկորեական պետական լրատվամիջոցի հաղորդմամբ՝ դեկտեմբերի 3-ին արտակարգ ռազմական դրության հայտարարումից հետո Հարավային Կորեայում «պատմության մեջ առաջին անգամ նախագահին իմպիչմենթ են հայտարարել և ձերբակալելու օրդեր տվել, ինչի հետևանքով կաթվածահար է եղել պետության քաղաքականությունը, էլ ավելի է խորանում սոցիալ–քաղաքական քաոսը»:

«Գլխավոր ապստամբ» Յուն Սեոկ-Յոլը «ժխտում է իր հանցագործությունը՝ տարածելով ամեն տեսակի ստեր»։ Գործակալության տվյալներով՝ «Քաղաքացիական ուժ» կուսակցությունը, ելնելով «իր սեփական կեղտոտ շահերից, ներում է ապստամբությունը» և փորձում է իրավիճակը Սահմանադրական դատարանում իմփիչմենթի միջոցով շրջել հօգուտ իշխանական ճամբարի։ Նշվում է, որ Սահմանադրական դատարանը կարող է վերականգնել Յուն Սեոկ Յոլին, իմպիչմենթը հաստատելու համար ինը ձայնից առնվազն վեցն է անհրաժեշտ: 

«Սրան ի պատասխան՝ ընդդիմությունը գնալով ուժեղացնում է իր քաղաքական հարձակումն ու ճնշումը՝ ակնարկելով Պետխորհրդի բոլոր անդամների «շարունակական իմպիչմենտի» մասին, ովքեր կարող են ժամանակավորապես զբաղեցնել նախագահի պաշտոնը՝ իրենց պահանջները չկատարելու դեպքում: Ընդդիմությունը, մասնավորապես, պնդում է Սահմանադրական դատարանի թափուր տեղերում երեք դատավորի նշանակում։

Դեկտեմբերի 14-ին խորհրդարանը իմփիչմենթի ենթարկեց նախագահին սահմանադրության խախտմամբ ռազմական դրություն մտցնելու համար, իսկ դեկտեմբերի 27-ին դադարեցվեցին երկրի ղեկավարի պաշտոնակատար վարչապետի լիազորությունները։ Դեկտեմբերի 31-ին դատարանը նախագահին կալանավորելու որոշում է կայացրել, իսկ ուժային կառույցներից մեկի ղեկավարությունը հայտարարել է, որ օրդերն օգտագործելու են մինչև դրա ժամկետի ավարտը։