44-օրյա պատերազմից հետո քանի նույնականացված և չհուղարկավորված մարմին կա
Արցախյան 44-օրյա պատերազմից հետո կան 89 նույնականացված և չհուղարկավորված մարմին և մասունքներ։ Այս մասին Auroranews-ի հետ զրույցում հայտնել է առողջապահության նախարարի մամուլի խոսնակ Մարիամ Ծատրյանը։
Առողջապահության նախարար Անահիտ Ավանեսյանն ավելի վաղ հայտնել էր, որ 44-օրյա պատերազմից և Ստեփանակերտում տեղի ունեցած պայթյունից հետո մարմինների և մասունքների փորձաքննություններն ավարտվել և ամփոփվել են։,
«Կան մասունքներ, որ ԴՆԹ փորձաքննության ենթակա չեն` չափազանց վնասված լինելու պատճառով։ Կան նույնականացված և չհուղարկավորված մասունքներ ու մարմիններ»,- ասել էր նախարարը։
Ավանեսյանի խոսքով՝ աշխատանքներ են տարվում ծնողների, նաև քննչական կոմիտեի ու պաշտպանության նախարարության հետ։
