Ինչու է Երևան–Նիժնի Նովգորոդ չվերթի ինքնաթիռը 2 ժամ պտտվել ՀՀ երկնքում

Երևան–Նիժնի Նովգորոդ չվերթ իրականացնող ինքնաթիռը («Շիրակ ավիա») մոտ 2 ժամ պտտվել է ՀՀ տարածքում։ Այս մասին Sputnik Արմենիաn տեղեկանում է Flightradar–ից։

«Խնդիրը կապված է փքման համակարգի հետ, որը բարձրություն հավաքելու համար է։ Լուրջ խնդիր չէ։ Անձնակազմի հետ կապի մեջ ենք։ Հիմա օդանավը պտտվում է, որ բավական քանակությամբ վառելիք սպառի, որպեսզի վայրէջքի համար բավարար քաշ ունենա և անվտանգ իջնի «Զվարթնոցում»», –լրատվամիջոցին այս մասին ասել է «Շիրակ ավիայի» գլխավոր տնօրեն Լևոն Քարամյանը։

Նա վստահեցրել է, որ ուղևորներին անվտանգ տեղափոխելու համար օդանավակայանում սպասում է պահեստային ինքնաթիռը նոր անձնակազմով։

Նշվում է, որ ինքնաթիռը, որում 117 ուղևոր կա, արդեն վայրէջք է կատարել։