Նման գործողությունները Մոսկվան չի կարող անպատասխան թողնել․ Պուտին
Արևմուտքը Ռուսաստանին հասցնում է «կարմիր գծի», նման գործողությունները Մոսկվան չի կարող անպատասխան թողնել։ Այս մասին հայտարարել է ՌԴ նախագահ Վլադիմիր Պուտինը, փոխանցում է ՌԻԱ «նովոստի»-ն։
Մինչ այդ Պուտինը հայտարարել էր, որ ներկայումս Ուկրաինայում հատուկ ռազմական գործողության անցկացման գոտում տեղի են ունենում կարևորագույն իրադարձություններ, որոնք կնպաստեն Ռուսաստանի ամրապնդմանը:
«Առաջադրված խնդիրների լուծման համար երկիրը պետք է արդյունավետ աշխատի բոլոր ուղղություններով»,- հավելել է Պուտինը։
Բացի այդ, պետության ղեկավարը նշել է, որ Ռուսաստանի քաղաքացիների շրջանում միշտ եղել են մարդիկ, ովքեր կանգնել են պետության պաշտպանության համար՝ ի պատասխան արտաքին սպառնալիքների:
