Մնացել ենք միայն ես և Վլադիմիր Պուտինը. Էրդողան
Թուրքիայի նախագահ Թայիփ Էրդողանը հայտարարել է, որ մոլորակի վրա մնացել է ընդամենը երկու առաջնորդ՝ ինքը և Ռուսաստանի Դաշնության ղեկավար Վլադիմիր Պուտինը։ Այս տեսակետը նա հայտնել է Գազիանթեփ նահանգում երիտասարդների հետ զրույցի ժամանակ։
«Ներկայումս աշխարհում մնացել է ընդամենը երկու փորձառու առաջնորդ` ես և Վլադիմիր Պուտինը... իմ պաշտոնավարման ժամկետը 22 տարի է։ Գրեթե նույն թիվը՝ պարոն Պուտինինը։ Մնացած բոլորը հեռացան։ Եվ մենք ցանկանում ենք, որ մեր երկխոսությունը շարունակվի։ Այստեղ կարևոր է շարունակել քաղաքականությունը։ Օրինակ՝ կանցլեր Անգելա Մերկելի հեռանալուց հետո Գերմանիայում քաղաքականությունն ավարտվեց»,- ասել է Էրդողանը։
Նա նշել է, որ մեծ հարգանք է տածում Գերմանիայի նախկին կանցլեր Գերհարդ Շրյոդերի նկատմամբ։
«Նրա հարգանքի աստիճանը մեր հանդեպ բոլորովին այլ էր, և նա իսկապես լավ առաջնորդ էր»,- ասել է նա
