Բայդենը Թրամփին թողնում է մղձավանջային խնդիր. ԶԼՄ

ԱՄՆ գործող նախագահ Ջո Բայդենը Դոնալդ Թրամփին «անհավանական խառնաշփոթ» է թողնում ինչպես երկրի ներսում, այնպես էլ համաշխարհային ասպարեզում: Այս մասին գրում է The Hill պարբերականը:

Խոսքը 36 տրիլիոն դոլարի դաշնային պարտքի, գնաճի, զենքի ցածր պաշարների, անշահավետ ձեռնարկությունների եւ կրթական համակարգի մասին է, որն «ի վիճակի չէ երիտասարդներին կարդալ եւ գրել սովորեցնել»:

«Բայդենը նաև Թրամփին թողնում է մղձավանջային խնդիր՝ դուրս բերել ԱՄՆ-ն Ուկրաինայի պատերազմից և հերթական անգամ վերականգնել ուժերի կայուն հավասարակշռությունը Մերձավոր Արևելքում»,- գրում է պարբերականը:

Հեղինակի կարծիքով, եթե Ջո Բայդենը «պարկեշտ և հայրենասեր տղա լիներ», նա կօգտագործեր իր նախագահության մնացած շաբաթներն՝ իր ստեղծած որոշ աղետներ շտկելու համար: Փոխարենը նա անում է ճիշտ հակառակը, ասվում է տեքստում։