Պուտինը փոփոխել է իր ստորագրած հրամանագիրը

Ռուսաստանի նախագահ Վլադիմիր Պուտինը հրամանագիր է ստորագրել, ըստ որի ռուսական գազի դիմաց վճարներն այլևս կապված չեն մեկ կոնկրետ բանկի հետ։ Նախկինում այս բանկը Գազպրոմբանկն էր։ Այս մասին համապատասխան փաստաթուղթը հրապարակվել է իրավական տեղեկատվության պաշտոնական պորտալում։

Պուտինը փոփոխել է 2022 թվականի մարտի 31-ի իր իսկ հրամանագիրը, որում ասվում է, որ Գազպրոմբանկը գազի դիմաց վճարումներ կատարելու լիազորված բանկն է։ Նա բացել է ռուբլու և արտարժույթի «K» տիպի հատուկ հաշիվներ օտարերկրյա գնորդների վճարումների համար, հայտնում է РБК-ն։

Նոր հրամանագրում նաև ասվում է, որ «երրորդ կողմերից» միջոցները կարող են մուտքագրվել ռուբլու հաշվին, որը բացվել է ռուս մատակարարի կողմից՝ արտասահմանյան ընկերության կողմից գազի մատակարարումների համար վճարելու համար։

The Bell-ը նշում է, որ հրամանագրի համաձայն՝ գազի վճարման պարտավորություններն այսուհետ կարող են մարվել ոչ միայն գումարով, այլև փոխադարձ պարտքերի հաշվանցմամբ։

Հիշեցնենք, որ նոյեմբերի 21-ին ԱՄՆ ֆինանսների նախարարության արտաքին ակտիվների վերահսկողության գրասենյակը (OFAC) հայտարարեց ավելի քան 50 բանկերի, այդ թվում՝ Գազպրոմբանկի, ինչպես նաև Հոնկոնգում, Լյուքսեմբուրգում, Շվեյցարիայում, Հարավային Աֆրիկայում և Կիպրոսում նրա դուստր ձեռնարկությունների դեմ պատժամիջոցների մասին: Սրանից հետո, մասնավորապես, Գազպրոմբանկի թողարկած UnionPay քարտերը դադարեցին աշխատել առնվազն ինը երկրներում, այդ թվում՝ Չինաստանում։