ՏԵՍԱՆՅՈՒԹ. «Ուզում էի անձամբ իրեն խեղդեի». Ալեն Սիմոնյան

ԱԺ նախագահ Ալեն Սիմոնյանը մանրամասներ է հայտնել, թե ինչ արտահոսք է արել ՔՊ-ից հեռացված Հովիկ Աղազարյանը։

«Վարչապետը հաճախ է հանդիպում խմբակցության հետ, իր միջազգային հանդիպումների, հարևան երկրի ղեկավարի հետ հանդիպումներից մանրամասներ է ներկայացնում, պարզվում է՝ այդ կոմունիկացիայի ընթացքում ինֆորմացիաներ կան, որ դուրս են եկել ու հայտնվել մամուլում»,- լրագրողերի հետ զրույցում հայտնել է ԱԺ նախագահը։

«ԱԺ պատգամավորները պետք է իմանան, որ իրենք իրավունք չունեն հրպարակելու գաղտնի ինֆորմացիաները։ Հովիկ Աղազարյանը շփումներ է ունեցել բոլոր հնարավոր մարդկանց հետ»,- հավելել է

Նա նշել է, թե երեկվա ՔՊ վարչության նիստից ընթացքում ինքը շոկի մեջ է եղել։

«Անկեղծ եմ ասում՝ մինչև երեկ ամեն հնարավոր ձևով փորձել եմ պարոն Աղազարյանին ինչ-որ ձևով պաշտպանել, բայց երեկ ես ուզում էի անձամբ իրեն խեղդեի»,- մանրամասնել է ԱԺ նախագահը։

Նա հավելել է, թե Աղազարյանը չի զղջացել արածների համար. «Ընդհակառակն, ավելի ագրեսիվ էր, ավելի հակառակվում էր, իմ մոտ, և ոչ միայն, տպավորություն էր ադեկվատության հետ կապված»։