Դիմակավորված անձինք Արմավիրի ՔԿՀ-ում․ մանրամասներ

ArmLur.am-ի տեղեկությունների համաձայն՝ այսօր առավոտյան՝ ժամը 08։30-ին, իրավապահները դիմակավորված մտել են «Արմավիր» քրեակատարողական հիմնարկի 2-րդ տեղամաս, խուզարկություններ են սկսվել, ինչի արդյունքում դատապարտյալներ են բռնության են ենթարկվել։

Ըստ տեղեկությունների՝ դատապարտյալների վրա կան մարմնական վնասվածքներ ու դեռ ավելին՝ մեկնարկած գործընթացի արդյունքում քրեական ենթամշակույթ կրող 3 դատապարտյալի տեղափոխել են «Երևան-Կենտրոն» քրեակատարողական հիմնարկ կամ բոլորին հայտնի ԱԱԾ մեկուսարան։

Auroranews-ը կապ հաստատեց ՀՀ քրեակատարողական ծառայության հանրային կապերի բաժնի պետ Նոնա Նավիկյան հետ, որպեսզի դեպքի հետ կապված մանրամասներ պարզի։

«Ծառայողական անհրաժեշտությունից ելնելով կալանավորված անձանց և դատապարտյալների տեղափոխումը մի քրեակատարողականից հիմնարկից մեկ այլ քրեակատարողական հիմնարկ, համակարգի գործունեության տեսակներից է: Արմավիր քրեկատարողական հիմնարկում իրականացվել է հերթական խուզարկությունը, նշեմ, որ դիմադրության և բռնության միջադեպեր չեն եղել»,- նշեց Նավիկյանը։