Ահաբեկիչները լայնածավալ հարձակումներ են սկսել Սիրիայում

Սիրիայի հակակառավարական ուժերի կոալիցիան՝ «Հայաթ Թահրիր աշ-Շամ» ահաբեկչական կազմակերպության գլխավորությամբ, լայնածավալ հարձակումներ է սկսել Սիրիայի հյուսիս-արևմուտքում գտնվող Հալեպի ուղղությամբ, հայտնում է Sabah պարբերականը:

Ըստ տեղեկությունների զինված խմբավորումներին հաջողվել է վերահսկողության տակ վերցնել նահանգի 32 գյուղ և 10 շրջան ։

Հաղորդագրության համաձայն՝ հակակառավարական ջոկատները գտնվում են Նուբբուլ և Ազ Զահրա քաղաքներից մի քանի կիլոմետր հեռավորության վրա, որտեղ առկա են «Հըզբոլլահ» շարժման լուրջ ուժեր: Բացի այդ, հարձակման է ենթարկվել Հալեպի արևելյան օդանավակայանը, որտեղ տեղակայված են իրանամետ ուժերը։