Մեծ Բրիտանիայում հայտարարվել է կարմիր նախազգուշացում
Միլիոնավոր մարդիկ նախազգուշացվել են տանը մնալու մասին, հազարավոր մարդիկ մնացել են առանց էլեկտրականության, իսկ գնացքների երթևեկությունը չեղարկվել է, քանի որ ուժի մեջ է մտել կառավարության նախազգուշացումը «կյանքի համար վտանգի մասին»՝ պայմանավորված «Դարրագ» փոթորկով, տեղեկացրել է PA Media-ն։
Նախազգուշացումն ուժի մեջ է մտել շաբաթ գիշեր ժամը 1-ին նրանց համար, ովքեր հայտնվել են հազվադեպ կարմիր նախազգուշացման ազդեցության գոտում Ուելսի եւ Անգլիայի հարավարևմտյան շրջաններում։
Բնակիչներին կոչ է արվում չնստել ղեկին եւ «հնարավորին չափ» մնալ տանը։
Օդերևութաբանական վարչությունը PA Media լրատվական գործակալությանը հայտնել է, որ քամու ուժգնությունը հասնում է ժամում 92 մղոնի (մոտ 148 կմ/ժ- խմբ.), ինչը գրանցվել Հյուսիսային Ուելսում եւ Լլին թերակղզում։
Ուելսի և Հյուսիսային Իռլանդիայի ափերի երկայնքով գրանցվել է քամու 72-78 մղոն/ժամ (115,8-125,5 կմ/ժ) ուժգնություն։
