Ես երբեք նման բան չեմ խնդրի. Զելենսկի
ՈՒկրաինայի ղեկավար` Վլադիմիր Զելենսկին ասել է, որ ուրախ կլինի, որ օտարերկրյա զորքեր ուղարկվեն Ուկրաինա, սակայն վախենում է, որ եթե բարձրացնի այդ հարցը, դաշնակիցների կեսը կդադարի աջակցել Կիևին։
«Մենք երբեք չենք խնդրի զորքեր մտցնել մեր տարածք, ես արդեն բազմիցս պատասխանել եմ՝ ուզու՞մ ենք, այո, իհարկե, ուրախ կլինենք, սակայն եթե ես այս հարցը քննարկեմ ԵՄ-ի և ՆԱՏՕ-ի հետ մենք կզրկվենք նրանց զորքերից և մեր դաշնակիցների կեսն անմիջապես կդադարեցնի իրենց աջակցությունը, այդ իսկ պատճառով ես չեմ կարող ռիսկի դիմել», - մեջբերում է «Ուկրինֆորմ» գործակալությունը:
Ավելի վաղ Monde-ը հայտնել էր, որ Ֆրանսիան և Մեծ Բրիտանիան վերսկսել են Ուկրաինա արևմտյան ռազմական անձնակազմի հնարավոր ուղարկման շուրջ քննարկումները։
