Ահաբեկիչները հարձակվել են Հալեպում Իրանի հյուպատոսության վրա
Հալեպում ահաբեկիչները հարձակվել են Իրանի հյուպատոսության վրա։ Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղայը, գրում է ТАСС-ը։
Ոչ ոք չի տուժել։
Ինչպես նշվում է Իրանի ԱԳՆ հայտարարության մեջ, Բաղայը «խստորեն դատապարտել է Հալեպում Իրանի Իսլամական Հանրապետության հյուպատոսության վրա իրականացված ահաբեկչությունը»։
Դիվանագետն ընդգծել է, որ Իրանը «ստիպված կլինի պատասխան տալ այս հարձակման համար ինչպես իրավական, այնպես էլ միջազգային մակարդակով»։
