Արցունքաբեր գազ, ջրցան մեքենաներ. որքան ոստիկան է տուժել Թբիլիսիում տեղի ունեցած բախումներից
Վրաստանի ՆԳՆ հատուկ ջոկատայիններն ամբողջությամբ դուրս են մղել ցուցարարներին Թբիլիսիի Ռուսթավելի պողոտայից։ Այս մասին դեպքի վայրից հայտնում է ՏԱՍՍ-ի թղթակիցը։
Ոստիկանությունը կրկին արցունքաբեր գազ է կիրառել: Մի քանի հոգի բերման են ենթարկվել։ Ցուցարարները չեն դիմադրել իրավապահներին։
Ռուսթավելի պողոտայում ցուցարարների և ոստիկանների դիմակայությունը շարունակվել է ամբողջ գիշեր։ Ցուցարարներն այրել են աղբամաններ և փայտե աթոռներ՝ փորձելով հեռու մնալ իրավապահներից: Նրանց միջեւ ժամանակ առ ժամանակ բախումներ էին ծագում։ Ոստիկանությունը ջրցան մեքենաներ և արցունքաբեր գազ է կիրառել։
Հավելենք, որ Թբիլիսիում գիշերային ցույցերի ժամանակ վիրավորվել է Վրաստանի ՆԳՆ 32 աշխատակից։
Գերատեսչության տվյալներով՝ տուժած 43 ուժայիններից 13-ին անհրաժեշտ է եղել վիրահատական միջամտություն, իսկ 1 ոստիկան դեռ շարունակում է մնալ հիվանդանոցում։
Բողոքի ակցիայի ժամանակ ոստիկանությանը չենթարկվելու և վարչական կարգը խախտելու համար բերման է ենթարկվել 43 մարդ։
