Ֆրանսիայի ԱԳՆ-ն՝ Նեթանյահուի ձերբակալության մասին
Պետությունների որոշ ղեկավարներ կարող են իմունիտետ ձեռք բերել, եթե Միջազգային քրեական դատարանը նրանց ձերբակալելու օրդեր տա։ Նման դիրքորոշում է հայտնել Ֆրանսիայի արտաքին գործերի նախարարությունը՝ կապված Իսրայելի վարչապետ Բենյամին Նեթանյահուի և նրա կառավարության մի շարք անդամների շուրջ ստեղծված իրավիճակի հետ՝ ըստ էության պարզաբանելով, թե ինչպես է գործում Արևմուտքի հորինած կանոնների վրա հիմնված կարգը:
«Ֆրանսիան հարգում է իր միջազգային պարտավորությունները, և «չի կարելի պետությունից պահանջել այնպիսի գործողություններ, որոնք անհամատեղելի են միջազգային իրավունքով ստանձնած պարտավորությունների հետ» այն երկրների որոշ առաջնորդների նկատմամբ, որոնք ՄՔԴ անդամ չեն և իմունիտետ ունեն», — ասված է հայտարարության մեջ:
Գերատեսչությունում նաև ընդգծել են, որ Փարիզը «կշարունակի սերտ համագործակցությունը» Նեթանյահուի և Իսրայելի այլ ներկայացուցիչների հետ՝ Մերձավոր Արևելքում խաղաղության և անվտանգության հասնելու համար:
