Ուկրաինայից ասում են՝ «Օրեշնիկ» գոյություն չունի. ՌԴ-ն պատասխանել է
Ռուսաստանի ԱԳՆ պաշտոնական ներկայացուցիչ Մարիա Զախարովան մեկնաբանել է Ուկրաինայի նախագահի գրասենյակի խորհրդական Միխայիլ Պոդոլյակի խոսքերն այն մասին, որ «Օրեշնիկ» գոյություն չունի: Այս մասին գրում է Rbc.ru-ն:
«Միգուցե սկզբում կողմնորոշվեն՝ գոյություն ունի՞ արդյոք Յուժմաշ գործարանը»,- գրել է նա տելեգրամյան ալիքում։
Այն մասին, որ «Օրեշնիկ» հրթիռ գոյություն չունի, Պոդոլյակն ավելի վաղ հայտարարել էր ուկրաինական հեռուստաալիքի եթերում:
Ռուսաստանի նախագահ Վլադիմիր Պուտինը նոյեմբերի 21-ին իր տեսաուղերձում առաջին անգամ խոսել է «Օրեշնիկ»-ի մասին: Նա նշել է, որ հրթիռը կիրառվել է Դնեպրի օբյեկտին պատասխան հարվածի համար այն բանից հետո, երբ ուկրաինական բանակը հարվածներ է հասցրել Արևմտյան ATACMS և Storm Shadow հրթիռներով Բրյանսկի և Կուրսկի շրջաններում:
