«Ուկրաինան զենքի փորձարկման փորձադաշտ չէ». Զելենսկի

Թշնամին մեկ շաբաթում Ուկրաինայի տարածքով ավելի քան 800 կառավարվող ավիառումբ է արձակել։ Ուկրաինան ինքնիշխան և անկախ պետություն է, այլ ոչ թե զենքի փորձարկման փորձադաշտ։ Այս մասին հայտարարել Է Ուկրաինայի նախագահ Վլադիմիր Զելենսկին։ Տեղեկատվությունը փոխանցում է TSN.ua-ն:

Նա նշել է, որ միայն այս շաբաթ ռուսական բանակն Ուկրաինայի դեմ կիրառել է ավելի քան 800 կառավարվող ավիացիոն ռումբ, մոտ 460 հարվածային դրոն և տարբեր տեսակի ավելի քան 20 հրթիռ:

«Ուկրաինան զենքի փորձարկման փորձադաշտ չէ։ Ուկրաինան ինքնիշխան և անկախ պետություն է։ Բայց Ռուսաստանը մինչ օրս շարունակում է մեր մարդկանց ոչնչացնելու, վախ ու խուճապ սերմանելու, մեզ թուլացնելու իր փորձերը»,- ասել է Ուկրաինայի նախագահը: