Հայտնաբերվել է ոստիկանության պաշտոնյայի դի․ հայտնի է՝ մահվան նախնական վարկածը
ՀՀ ՆԳՆ ոստիկանության պետական պահպանության գլխավոր վարչության (ՊՊԳՎ) Նոր Նորքի պահպանության բաժնի ռազմականացված ջոկատի պետ Անդրեյ Վերանյանը նախնական տվյալներով հանկարծամահ է եղել։ Այս մասին Sputnik Արմենիային հայտնել են ՀՀ ՆԳ նախարարության մամուլի ծառայությունից։
Նրա դին հայտնաբերվել էր իր աշխատասենյակում։
«Նախնական տվյալներով հանկարծամահություն է»,- նշել են ՆԳՆ-ից։
Հիշեցնենք՝ ավելի վաղ shamshyan.com-ը հայտնել էր, որ նոյեմբերի 14-ին Երևանում ՀՀ ՆԳՆ ոստիկանության ՊՊԳՎ Նոր Նորքի պահպանության բաժնի ռազմականացված ջոկատի պետ Անդրեյ Վերանյանի դին է հայտնաբերվել իր աշխատասենյակում։ Արտաքին զննությամբ դիակի վրա բռնության հետքեր չեն հայտնաբերվել։ Դեպքի փաստով նախաձեռնվել է քրեական վարույթ։
