Մի քանի երկրների բանկեր դադարել են սպասարկել UnionPay քարտերը

ԱՄԷ-ի և Թուրքիայի բանկերը դադարել են սպասարկել Գազպրոմբանկի կողմից թողարկված չինական UnionPay համակարգի ռուսական քարտերը։

Քիչ առաջ էլ հայտնի դարձավ, որ այս ծառայությունը դադարեցվել է նաև Թայլանդում, Հունգարիայում, Ղազախստանում, Վիետնամում, Չինաստանում և Կատարում: 

«Քարտից օգտվելու փորձի ժամանակ էմիրաթների վարկային կազմակերպությունների բանկոմատները էկրանին տեխնիկական սխալի մասին ծանուցում են բերում։ Օգտատերերին ասում են, որ քարտն ակտիվ չէ կամ արգելափակված է, և առաջարկում են կապ հաստատել իրենց բանկի աջակցության բաժնի հետ»,-հայտնում է ՏԱՍՍ-ը։

Ծառայության մերժումը վերաբերում է ինչպես կորպորատիվ, այնպես էլ անհատական քարտերին: Քարտերը սպասարկելուց հրաժարվում են ինչպես պետական, այնպես էլ մասնավոր թուրքական բանկերը, ինչպես նաև օտարերկրյա մասնակցությամբ ֆինանսական կազմակերպությունները:

Հիշեցնենք, որ ԱՄՆ ֆինանսների նախարարությունը նոյեմբերի 21-ին հայտարարել էր հակառուսական պատժամիջոցների նոր փաթեթի մասին։ Այս անգամ պատժամիջոցների տակ է հայտնվել նաև Գազպրոմբանկը։ Դա խնդիրներ է առաջացրել նաև ԵՄ մի շարք երկրների համար, որոնք այդ կերպ վճարում էին ռուսական գազի մատակարարումների դիմաց։