Բազմազավակ ընտանիքը որոշել է 15-րդ երեխային անվանակոչել «Օրեշնիկ» հրթիռի անունով
Ռուսաստանի Նաբերեժնիե Չելնի քաղաքից բազմազավակ ընտանիքը ցանկանում է իր 15-րդ երեխային անվանակոչել «Օրեշնիկ» հրթիռի անունով։
Այս մասին Gazeta. ru-ի հետ զրույցում ասել է ընտանիքի հայրը՝ Վլադիմիր Սուխովը, որն անցյալ տարի դստերը անվանել է Ռոսսիյա-Սվյատոսիա-Սվյատորոսսիա։ Զույգի ավագ որդու անունը Բնություն է (Природа), իսկ երեխաների մորը՝ Ռոդուշկա։
Ի դեպ, այժմ ծնողները մեծացնում են 14 երեխա (երեքը ծնվել են Վլադիմիրի ներկայիս կնոջից, իսկ մնացած 11-ը՝ այլ մայրերից):
«Իհարկե, մենք չենք պատրաստվում կանգ առնել։ Ինչ վերաբերում է մեր պաշտպան «Օրեշնիկին», ապա մենք դեմ չենք նաև «Օրեշնիցային»: Ամեն ինչ՝ ի փառս մեր մեծ ու հզոր երկրի՝ Ռուսաստանի»,- ասում է բազմազավակ հայրը։
