Որքան գումարով է աճուրդում վաճառվել կպչուն ժապավենով պատին ամրացված բանանը
Իտալացի նկարիչ Մաուրիցիո Կատելանի՝ պատին կպչուն ժապավենով ամրացված բանանը վաճառվել է 6,2 մլն դոլարով։ Այս մասին հայտնում է Sotheby’s աճուրդի տունը:
Ինստալյացիան ստացել է Comedian անվանումը, առաջին անգամ նկարիչն այն ներկայացրել է 2019 թվականին։ Գնահատված արժեքը տատանվում էր մեկից մինչև 1,5 միլիոն դոլար:
Գնորդը խոստացել է առաջիկա օրերին անձամբ ուտել բանանը։
Կատելանը ստեղծել է նման ստեղծագործության երեք օրինակ։ Առաջին երկուսը նա վաճառել է մասնավոր կոլեկցիոներներին 120 հազար դոլարով։
