4 օրով փակ կլինի ճանապարհի մի հատված․ «ՀԷՑ»-ի հայտարարությունը
Երևանի Կենտրոն վարչական շրջանի բաշխիչ ցանցի արդիականացման նպատակով նոյեմբերի 20-ից չորս օրով փակ կլինի Աբովյան-Արամի խաչմերուկից մինչեւ Արամի-Տերյան խաչմերուկի հատվածը։ Այս մասին հայտնում է «Հայաստանի էլեկտրական ցանցեր» ընկերությունը։
««ՀԷՑ» կողմից իրականացվող Երևանի փոքր Կենտրոնի բաշխիչ ցանցի վերակառուցմանն և վերազինմանն ուղղված ներդրումային ծրագրի շրջանակում ս.թ. նոյեմբերի 16-ից շինարարական աշխատանքներ են ընթանում Տերյան, Արամի, Աբովյան, Հին Երևանցի փողոցների, ինչպես նաև Հյուսիսային պողոտայի որոշ հատվածներում:
Աշխատանքները նախատեսված է ավարտին հասցնել առաջիկա օրերի ընթացքում»,- նշվում է հաղորդագրության մեջ:
