ՏԵՍԱՆՅՈՒԹ․ Նոր կադրեր՝ Վրաստանում ցուցարարների և ոստիկանների միջև բախումներից

Թբիլիսիի կենտրոնում ոստիկանությունը ցրել է Վրաստանի խորհրդարանական ընտրությունների արդյունքների դեմ բողոքողների ակցիան։ 

Ցուցարարների և ոստիկանների միջև բախումներ են սկսվել։ Ակցիայի ժամանակ ձերբակալվել են մի քանի ցուցարարներ, մեկ մարդ տուժել է, նրան տարել են շտապօգնության մեքենայով:

Վարազիսցևի, Մելիքիշվիլի, Կեկելիձեի փողոցների և Ճավճավաձեի պողոտայի խաչմերուկում կիրակի երեկոյան տեղադրվել էին վրաններ և նստարաններ․ դրանք հավաքվել են հարակից տարածքից:

Ինչպես հայտնում են տեղի լրատվամիջոցները՝ ցույցը ցրելուց առաջ Վրաստանի ՆԳՆ-ն հայտարարություն է տարածել` կազմակերպիչներին և մասնակիցներին հորդորելով ենթարկվել ոստիկանության օրինական պահանջին: Հայտարարության մեջ ասվում է․ «Հանրահավաքի մասնակիցներին բավական ժամանակ է տրվել իրենց կարծիքն արտահայտելու և բողոքը փաստագրելու համար։ Խոսքի ազատությունը ճանապարհների փակումուքաղաքացիների կյանքի սովորական ռիթմի խախտում չի ներառում»։ 

Հաղորդվում է, որ այս պահին ոստիկանությունը ցուցարարներին դուրս է մղել Թբիլիսիի կենտրոնում գտնվող Մելիքիշվիլիի պողոտայի երթևեկելի հատվածից։