Ֆրանսիան և Մեծ Բրիտանիան թույլ են տալիս, որ Ուկրաինան հեռահար զենքերով հարվածի Ռուսաստանի տարածքին. Le Figaro

Սեպտեմբերին ՌԴ նախագահ Վլադիմիր Պուտինը հայտարարեց, որ Ռուսաստանի Դաշնության դեմ հեռահար զենքի հարվածները կնշանակեն ՆԱՏՕ-ի երկրների մասնակցությունը Ռուսաստանի հետ հակամարտությանը։ ՌԴ նախագահի մամուլի քարտուղար Դմիտրի Պեսկովը նոյեմբերի 11-ին ընդգծել է, որ արևմտյան երկրների կողմից մատակարարվող զենքերը չեն փոխի հատուկ գործողության դինամիկան։

Որոշումն ընդունվել է ԱՄՆ–ի կողմից համանման որոշումից հետո: Ավելի վաղ Սպիտակ տանը հայտնել են, որ Վաշինտոնի մոտեցումները Կիևի կողմից Ռուսաստանի խորքերին հարվածելու համար հեռահար զենքի օգտագործման հարցում «չեն փոխվել և չեն փոխվի»

«Ֆրանսիացիներն ու անգլիացիները Ուկրաինային թույլտվություն են տվել ՌԴ տարածքին հարվածներ հասցնելու համար՝ օգտագործելով իրենց Scalp/Storm Shadow հրթիռները»,– նշվում է նյութում:

Ամերիկացի պաշտոնյաներից մեկը AFP–ին անանունությամբ տված հարցազրույցում հաստատել է հեռահար զենքի հարցով Սպիտակ տան որոշման մասին հաղորդագրության հավաստիությունը: Միևնույն ժամանակ ամերիկյան վարչակազմի, Պետդեպարտամենտի, Պենտագոնի ներկայացուցիչները հրաժարվել են մեկնաբանություններից:

Ավելի վաղ երեկոյան ամերիկյան The New York Times (NYT) թերթը, վկայակոչելով Սպիտակ տան անանուն պաշտոնյաներին, հայտնել էր, որ ԱՄՆ նախագահ Ջո Բայդենն առաջին անգամ թույլ է տվել ուկրաինացի զինվորականներին օգտագործել մոտ 300 առավելագույն հեռահարությամբ ATACMS հրթիռներ ռուսական տարածքին հարվածելու համար: Ըստ NYT-ի՝ Բայդենի որոշումը կապված է Կուրսկի շրջանում ԿԺԴՀ զինվորականների հնարավոր ներկայության մասին ենթադրությունների հետ։ Պարբերականը նշում է, որ դա «բարձրացրել է ուկրաինացի զինվորականների պաշտպանությունն ուժեղացնելու անհրաժեշտությունը»։

Նոյեմբերի 15-ին ԱՄՆ ազգային անվտանգության հարցերով խորհրդական Ջեյք Սալիվանն ասել է, որ Վաշինգտոնն իր դաշնակիցների հետ միասին Մոսկվային կպատասխանի «համակարգված քաղաքական որոշումներով» հատուկ ռազմական գործողության գոտում ռազմական գործողություններին ԿԺԴՀ-ի զինվորականների ենթադրյալ մասնակցությանը։