Ինչ է սպասվում Ուկրաինային Թրամփի հաղթանակից հետո
Մեծ Բրիտանիայի, Իտալիայի, Լեհաստանի, Ուկրաինայի, Ֆրանսիայի և Գերմանիայի արտգործնախարարները նոյեմբերի 19-ին կհանդիպեն Վարշավայում՝ քննարկելու ուկրաինական հակամարտությունը ԱՄՆ նախագահական ընտրություններում հանրապետական թեկնածու Դոնալդ Թրամփի հաղթանակի ֆոնին։ Այս մասին հայտնում է Reuters-ը՝ հղում անելով աղբյուրներին։
Նրա խոսքով, հանդիպման ընթացքում կողմերը մտադիր են անդրադառնալ նաև «Եվրոպայի քաղաքական ապագայի» խնդրին և Թրամփի՝ Սպիտակ տուն վերադառնալու գլոբալ հետևանքներին։
Թրամփը հաղթել է նոյեմբերի 5-ին կայացած ընտրություններում։ Նա հաղթել է դեմոկրատների ներկայացուցիչ, ԱՄՆ փոխնախագահ Քամալա Հարիսին։ Հանրապետականներին հաջողվել է վերահսկողության տակ առնել Կոնգրեսի Սենատը։ Նրանք կարող են մեծամասնություն ստանալ նաև Ներկայացուցիչների պալատում: Թրամփի երդմնակալությունը տեղի կունենա 2025 թվականի հունվարի 20-ին։
