ԱՄՆ–ում փնտրում են խելացի մարդկանց՝ շաբաթական 80+ ժամ աշխատելու համար
Կառավարության արդյունավետության նախարարությունը, որը մտադիր է ստեղծել ԱՄՆ նորընտիր նախագահ Դոնալդ Թրամփը, փնտրում է բարձր ինտելեկտով մարդկանց, ովքեր պատրաստ են աշխատել շաբաթական ավելի քան 80 ժամ։ Այս մասին գրում է ТАСС–ը:
«Մեզ կես դրույքով գաղափարներ ստեղծողներ պետք չեն: Մեզ պետք են բարձր IQ–ով հեղափոխականներ, ովքեր պատրաստ են շաբաթական 80+ ժամ աշխատել ծախսերը կրճատելու անհրապույր խնդրի շուրջ», - ասվում է նախարարության հայտարարության մեջ, որը հրապարակվել է X-ում:
Նշվում է, որ նոր գերատեսչության պաշտոնների թեկնածուների առաջին 1%-ը անձամբ կստուգեն նախարարության ղեկավարներ Վիվեկ Ռամասվամին և Իլոն Մասկը։
