Երկու լավ նորություն ունեմ. Սիմոնյան
Մեր իշխանությանը մեղադրել համակարգված կոռուպցիայի մեջ, ծիծաղելի է, մարդիկ չեն հավատում դրան: Այս մասին 2025 թվականի բյուջեի քննարկման ժամանակ ասաց ԱԺ նախագահ Ալեն Սիմոնյանը:
Առաջ մեզ դավաճան էին ասում, հիմա հերոս բառն է ներվայնացնում: Այդ հերոս բառը պրոբլեմ է, ասում են՝ հերիք չի՝ դավաճան ասեցինք, չանցավ, հիմա հերոս են ասում: Կարո՞ղ է մարդիկ իրոք դառնան հերոս, կարո՞ղ է մարդիկ հասկանան, որ իրենք քաղաքացի են, իրավունքներ ունեն, ու ընտրություններին փորձեն փող բաժանել, չվերցնեն, որովհետև իրենք արդեն գիտակցում են, որ իրենք հերոս են։ Իհարկե, մարդիկ հերոս են, որովհետև աշխատատեղ են ստեղծում, այդ աշխատանքով սնում են այն զինվորին, ում մասին դուք խոսում եք:
«Տիկին Խամոյանը Մոնթեի անունն էր տալիս: Հիշեցի, երբ քաղաքապետարանում ավագանու անդամ էինք, մինչև մեր խմբակցությունով, կռվով կարողացանք համոզել, որ փողոց նանվանակոչեն Մոնթեի անունով, հոգիներս դուրս եկավ: Տիկին Գրիգորյանն էլ ասում է՝ հղի կին են գցել մեքենայի տակ, այդ շահարկումը թե՛ հին է, թե՛ էժան, որովհետև բոլորը գիտեն՝ որևիցե մեկը որևիցե մեկին չի գցել մեքենայի տակ, ու բոլորը գիտեն, որ Հայաստանի Հանրապետությունում գործում է օրենք, գործում է արդար արդարատություն, որից հաճախ նաև ես և մեր գործընկերները, մեր քաղաքացիները դժգոհ ենք, և դա քննարկման առարկա է»,- ասաց նա:
Սիմոնյանն ասաց, որ 2018 թվականից հետո կառավարության և ԱԺ-ի ծառայողական մեքենաների քանակը կրճատվել է:
«Եվ վերջում, ես էլ երկու նորություն ունեմ, երկուսն էլ լավ։ Առաջիննյ այն է, որ ամենայն հավանականությամբ դուք հաջորդ խորհրդարանում չեք լինելու։ Երկրորդ լավ նորությունն այն է, որ այսօրվա իշխանությունը՝ ավելի բարձր ձայներով, Հայաստանի Հանրապետությունում արդար, մաքուր, առանց փող բաժանելու ընտրություններով, որը ճանաչվելու է աշխարհի բոլոր երկրներում, նորից դառնալու է իշխանություն»,- ասաց Սիմոնյանը:
