ՏԵՍԱՆՅՈՒԹ. Ոչնչացվել է Լիբանանի հայտնի «Պալմիրա» հյուրանոցը
Իսրայելական ինքնաթիռները ոչնչացրել են Լիբանանի պատմական տեսարժան վայրերը: Ինչպես գրում են թելեգրամյան ալիքները, հրապարակելով նաև տեսակադրեր, լիբանանյան հյուրանոցատերերի միության ղեկավարը հայտնել է, որ իսրայելական ինքնաթիռները ոչնչացրել են Լիբանանի «Պալմիրա» հյուրանոցը։
«Այս հյուրանոցը Լիբանանի ամենակարևոր պատմական հուշարձաններից է։ Այն կառուցվել է 1874 թվականին, և նրա հայտնի հյուրերից են եղել Ալբերտ Էյնշտեյնը, Ուինսթոն Չերչիլը, Շառլ դը Գոլը, Իվան Բունինը և Պաբլո Պիկասոն։
Հյուրանոցը գտնվում էր Բաալբեկ քաղաքում՝ Մենշիա փողոցի հարևանությամբ՝ 1927 թվականին կառուցված համանուն պատմական շենքի անունով։ Այս ճարտարապետական հուշարձանը նույնպես գրեթե ամբողջությամբ ավերված է»,– նշվում է հրապարակումներում։
