ՏԵՍԱՆՅՈՒԹ. ՌԴ–ում զինված մահմեդականը հարվածել է դռնապանին, կրակել շան վրա և գոչել «Աստված մեկ է»

ՌԴ մայրաքաղաք Մոսկվայից հյուսիս–արևելք գտնվող Սերգիև Պոսադ քաղաքում ձերբակալվել է զինված երիտասարդ: Այս մասին հայտնում են տեղի ԶԼՄ–ները:

Readovka թելեգրամյան ալիքը գրում է, որ զինված երիտասարդը եղել է վահաբական մորուքով և տյուբետեյկայով: Նշվում է, որ նա ինքնաձիգի կոթով հարվածել է զինվորական հոսպիտալի դռնապանի գլխին և կրակել շան վրա: Ըստ աղբյուրի՝ երիտասարդը նախ շարժվել է դպրոցի ուղղությամբ, զենքը պարզել երեխաների վրա, որոնք բարեբախտաբար փախուստի են դիմել: Դրանից հետո նա կանգնել է տեղական խանութի մոտ և բղավել, որ Աստված մեկն է, կրակել է շան վրա, ապա գնալով զինվորական հոսպիտալ՝ ինքնաձիգի կոթով հարվածել է դռնապանի գլխին: 

Ըստ պաշտոնական տեղեկատվության՝ դեպքի վայր ժամանած ոստիկանները բերման են ենթարկել քաղաքացուն։ Պարզվել է, որ նա ծնունդով Կրասնոյարսկի երկրամասից է, ծնվել է 1988թ.–ին: Թելեգրամյան ալիքը գրում է, որ տղամարդը դիմադրել է ձերբակալությանը և իրավապահներին անվանել չար ոգիներ։ Ճանապարհին նա պնդել է, թե Աստված մեկն է, իսկ Հիսուսը՝ վերջին մարգարեն:

Միջադեպի առնչությամբ հետաքննություն է տարվում։