Հետախուզական տվյալների արտահոսք Իսրայելում. կան ձերբակալվածներ
Իսրայելում մի քանի կասկածյալներ են ձերբակալվել՝ երկրի ռազմական ծրագրերի մասին հետախուզական տեղեկատվության արտահոսքի գործով, նախօրեին հայտնել Է Haaretz-ը ՝ վկայակոչելով դատարանի նյութերը:
Պարբերականը պնդում է, որ ձերբակալվածներից մեկը կապված է Իսրայելի վարչապետ Բենյամին Նեթանյահուի գրասենյակի հետ և սերտորեն համագործակցել է նրա հետ պատերազմի ժամանակ: Իսրայելցի պաշտոնյաները, որոնց հետ խոսել է ամերիկյան Axios պարբերականը, ասում են, որ դա Նեթանյահուի մերձավոր օգնականն է, որը, ընդ որում, պաշտոնապես չի աշխատել վարչապետի գրասենյակում:
Իսրայելի վարչապետի գրասենյակից ոչ ոք չի հարցաքննվել կամ ձերբակալվել, ասվում է Նեթանյահու հայտարարության մեջ: Նա ընդգծել է, որ արտահոսքը տեղի է ունեցել ոչ թե իր գրասենյակից, այլ պետական այլ մարմիններից:
Հիշեցնենք, որ հոկտեմբերի 19-ին ամերիկյան ԶԼՄ-ները հայտնել էին, որ ԱՄՆ Հետաքննությունների դաշնային բյուրոն հետաքննություն է սկսել այն բանից հետո, երբ Պենտագոնում տեղի է ունեցել առանձնապես գաղտնի հետախուզական տվյալների արտահոսք, որոնցում խոսվում էր Իրանին հարված հասցնելու Իսրայելի ծրագրերի մասին:
