Թրամփը կկարողանա նախագահ դառնալ նույնիսկ պարտվելու դեպքում. Politico

Եթե ​​Դոնալդ Թրամփը պարտվի ԱՄՆ նախագահական ընտրություններում, նա այնուամենայնիվ կկարողանա զբաղեցնել այդ պաշտոնը: Այս մասին, РБК–ի փոխանցմամբ, հայտնել է Politico-ն՝ վկայակոչելով սահմանադրական իրավունքի փորձագետների և կուսակցական պաշտոնյաների:

Նրանք հիշեցրել են ԱՄՆ Սահմանադրության 12-րդ ուղղումը, որը նախագահ ընտրելու իրավունքը փոխանցում է Ներկայացուցիչների պալատի մակարդակին (վերահսկվում է հանրապետականների կողմից), բայց միայն այն պայմանով, եթե թեկնածուներից ոչ մեկը Ընտրողների կոլեգիայից չստանա անհրաժեշտ 270 ձայները։ Politico-ի զրուցակիցները ենթադրել են, որ Թրամփը կարող է նման իրավիճակի հասնել իր մանիպուլյացիաների միջոցով։

Փոփոխությունը կիրառվել է 1824 թվականին, երբ թեկնածուներից ոչ մեկը չստացավ անհրաժեշտ թվով ձայներ: Այդ ժամանակ Ներկայացուցիչների պալատը նախագահ ընտրեց Ջոն Ադամսին, թեև Էնդրյու Ջեքսոնը նրանից առաջ էր ձայների քանակով։