Ի՞նչ են քննարկելու Կազանում Պուտինը և Պաղեստինի առաջնորդը
Ռուսաստանի նախագահ Վլադիմիր Պուտինը և Պաղեստինի առաջնորդ Մահմուդ Աբասը Կազանում կքննարկեն ինչպես Գազայի հատվածում արագ դադարեցնեն արյունահեղությունը։ Այս մասին ասվում է BRICS-ի գագաթնաժողովի համար նախապատրաստված ՌԴ ղեկավարի մամուլի ծառայության նյութերում։
«Ակնկալվում է մտքերի փոխանակում Գազայի հատվածում արյունահեղության արագ դադարեցման և մերձավորարևելյան կարգավորման խաղաղ գործընթացի վերսկսման հնարավոր միջոցների շուրջ», - նշում է մամուլի ծառայությունը։
Պուտինի և Աբասի զրույցը նախատեսված է հոկտեմբերի 24-ին։ Ինչպես հաղորդում է ՌԴ նախագահի մամուլի ծառայությունը, հանդիպմանը ղեկավարները կշարունակեն օգոստոսին Մոսկվայում սկսված երկխոսությունը` երկկողմ համագործակցության արդի հարցերի շուրջ:
