Պենտագոնը` Ուկրաինայում հյուսիսկորեական զորքերի ներկայության մասին
ԱՄՆ պաշտպանության նախարար Լլոյդ Օսթինը հայտնել է, որ չի կարող հաստատել հատուկ ռազմական գործողության գոտում ԿԺԴՀ զորքերի ներկայության մասին ուկրաինական վարկածը, գրում է ТАСС-ը։
«Ես այս հրապարակումները տեսա լրատվամիջոցներում։ Ես չեմ կարող հաստատել դրանք այս պահին», - աել է նա Նեապոլում G7-ի պաշտպանության նախարարների առաջին հանդիպմանը հաջորդած մամուլի ասուլիսում: Օսթինը ասել է, որ դա «խնդիր է, որը Միացյալ Նահանգները կշարունակի ուսումնասիրել»:
Ուկրաինայի նախագահ Վլադիմիր Զելենսկին ավելի վաղ հայտարարել էր, որ «ըստ իր հետախուզական տվյալների», ԿԺԴՀ-ն «մարտավարական անձնակազմ և սպաներ» է ուղարկել Դոնբաս և Նովոռոսիա, և որ Փհենյանը «պատրաստում է հազարավոր զինվորների Ուկրաինա ուղարկելու համար»։
