ԱՄՆ-ում ընտրությունների ավարտից հետո Ուկրաինայում հակամարտության զարգացման երեք սցենար կա։ Այս մասին The Financial Times-ին տված հարցազրույցում ասել է Ուկրաինայի նախագահ Վլադիմիր Զելենսկին։

Նա միաժամանակ ասել է, որ չգիտի, թե ԱՄՆ-ում «ընտրություններից հետո իրենց ինչ կառաջարկեն»։ Սցենարներից մեկն, ըստ Ուկրաինայի նախագահի, աջակցության շարունակությունն է։

Նրա խոսքով, սակայն, դաշնակիցները «վախենում են որոշ ռիսկերից»:

Զելենսկին հավելել է, որ կա ևս երկու ճանապարհ՝ կախված նրանից, թե ով կհաղթի ԱՄՆ նախագահական ընտրություններում։

«Արդյոք դա ավելի դրական կլինի՞։ Կամ պակա՞ս դրական: Անկեղծ ասած՝ չգիտեմ: Եվ սա շատ զգայուն է մեր ժողովրդի համար», - ասել է նա։

Այս սցենարների էությունը Զելենսկին չի բացահայտել։