Հյուսիսատլանտյան դաշինքի ներգրավումն Ուկրաինական հակամարտությունում կհանգեցնի աղետի, իրադարձությունների նման զարգացումը պետք է կանխել։ Այս մասին Բեռլինում ԱՄՆ նախագահ Ջո Բայդենի հետ համատեղ մամուլի ասուլիսի ժամանակ հայտարարել է Գերմանիայի կանցլեր Օլաֆ Շոլցը։

«Մեր դիրքորոշումը հստակ է։ Մենք առավելագույնս աջակցում ենք Ուկրաինային։ Միևնույն ժամանակ, մենք ապահովում ենք, որ ՆԱՏՕ-ն չդառնա հակամարտության կողմ, որպեսզի այդ պատերազմն էլ ավելի մեծ աղետի չհանգեցնի։ Մենք քաջ գիտակցում ենք այս պատասխանատվությունը, և ոչ ոք չի կարող մեզ ազատել դրանից», - ասել է նա։