Միրզոյանն ու Էրդողանը կհանդիպեն. ԶԼՄ
Թուրքիայի նախագահ Ռեջեփ Թայիփ Էրդողանը Ստամբուլում «3+3» հարթակի ԱԳ նախարարների հանդիպման շրջանակում կընդունի Հայաստանի արտգործնախարար Արարատ Միրզոյանին, հայտնում են թուրքական լրատվամիջոցները։
«3+3» հարթակի շրջանակներում կայանալիք հանդիպմանը Հայաստանի և Թուրքիայի արտգործնախարարները կքննարկեն Անկարայի աջակցությունը Երևանի և Բաքվի միջև խաղաղության ստորագրման հարցում, ինչպես նաև հայ-թուրքական հարաբերությունների կարգավորումը:
Նախատեսված են նաև Միրզոյանի բանակցությունները թուրք գործընկեր Հաքան Ֆիդանի հետ:
