Իրանը երրորդ երկրի միջոցով փոխանցել է ԱՄՆ-ին, որ պատասխան չի տա որոշակի թիրախների վրա սահմանափակ իսրայելական հարձակման դեպքում։ Այս մասին հայտնում է Իսրայելի Kan պետական հեռուստատեսությունը։

Ընդգծվում է, որ նման ուղերձը տարբերվում է Թեհրանի մյուս հայտարարություններից, որտեղ Իսրայելին ավելի ցավոտ պատասխան են խոստացել, քան զանգվածային հրթիռակոծումը:

Հոկտեմբերի 1-ին Իրանը պատմության մեջ երկրորդ անգամ բալիստիկ հրթիռներով հարձակվեց Իսրայելի վրա։ Ընդհանուր առմամբ, դրանց մեծ մասը հաջողվել է որսալ։ Հրթիռակոծման պատճառ է դարձել Իսրայելի կողմից պաղեստինյան ՀԱՄԱՍ շարժման և լիբանանյան «Հըզբոլլահ» շարժման օբյեկտների ոչնչացումը:

Հոկտեմբերի 9-ին Իսրայելի պաշտպանության նախարար Յոավ Գալանտը պատմել է, որ իր երկիրը պատրաստվում է անսպասելի հարված հասցնել Իրանին: Ինչպես նա ասել է, պատասխան հրետակոծությունը կլինի «չափազանց ճշգրիտ» և կործանարար։