Նոր մանրամասներ` Գյումրու նախկին քաղաքապետի որդու գործից. ՔԿ
Գյումրու նախկին քաղաքապետի Սամվել Բալասանյանի որդու` Խաչատուր Բալասանյանի գործի շրջանակներում կան նոր ձերբակալվածներ։ Այս մասին Sputnik Արմենիայի հետ զրույցում ասել է ՀՀ քննչական կոմիտեի մամուլի խոսնակ Գոռ Աբրահամյանը։Ավելի վաղ հայտնել էինք, որ Սամվել Բալասանյանի կրտսեր որդին՝ Խաչատուր Բալասանյանը ձերբակալվել է «Զվարթնոց» օդանավակայանում։
Նա տեղեկացրել է, որ գործով ձերբակալվել է երեք անձ, որոնցից մեկն ազատ է արձակվել։
Ձերբակալվածների մեջ են Գյումրիի ներկայիս քաղաքապետի տեղակալ Սուրեն Ջանոյանը և Սամվել Բալասանյանի պաշտոնավարման ժամանակ փողքաղաքապետի պաշտոնը զբաղեցրած Ռուբեն Սանոսյանը։
Դատախազությունը պահանջում էր Գյումրի քաղաքի Սև բերդի հարևանությամբ` Ղարսի խճուղի 2/7 հասցեում գտնվող հողերում Խաչատուր Բալասանյանին պատկանող հողերի հետ կապված հետ վերացնել ավագանու, քաղաքապետի այն որոշումները, որոնցով օտարվել են այս հողերը։ Ըստ դատախազության՝ այդ հողամասերը հատուկ նշանակության էին և չէին կարող օտարվել։
