Երբ անվտանգություն ասելով հասկանում ենք բանակ, նշանակում է՝ անվտանգություն գոյություն չունի․ Փաշինյան

Մեր իրականության մեջ ընդհանրապես անվտանգություն ասելով առաջին հերթին հասկանում են բանակ, երկրորդ հերթին հասկանում են բանակ, երրորդ հերթին հասկանում են բանակ: Այս մասին «Խաղաղության խաչմերուկ. միավորելով անվտանգությունն ու ժողովրդավարությունը» համաժողովի ընթացքում հայտարարել է վարչապետ Նիկոլ Փաշինյանը:

«Բայց այն իրավիճակում, երբ անվտանգություն ասելով առաջին հերթին հասկանում ենք բանակ, երկրորդ հերթին հասկանում ենք բանակ, երրորդ հերթին հասկանում ենք բանակ, դա նշանակում է, որ անվտանգություն գոյություն չունի եւ չի կարող գոյութուն ունենալ: Բանակը ինչ խոսք, առանցքային դերակատարություն ունի անվտանգության ապահովման գործում, բայց բանակի դերակատարությունը անվտանգության ապահովմանը գործում առաջինը եւ երկրորդը չի: Էլի եմ ասում, եթե առաջինն ու երկրորդն է, դա նշանակում է, որ անվտանգության համակարգ գոյություն չունի եւ այն լիրաժեքորեն խարխլված է»,-ասել է նա:

Փաշինյանի խոսքով՝ այս տրմաբանությամբ այս նախագիծը առաջին հերթին անվտանգության մասին է եւ բարեկեցության ապահովման մասին է: