Ընտրություններին ընդառաջ Օբաման հանդես է եկել հայտարարությամբ

Թրամփին հետաքրքրում է միայն իր էգոն, փողը և կարգավիճակը: ԱՄՆ նախկին նախագահ Բարաք Օբաման ելույթ է ունեցել Պիտսբուրգում (Փենսիլվանիա նահանգ) և խիստ քննադատության ենթարկել Հանրապետական կուսակցության թեկնածու Դոնալդ Թրամփին:

«Ոչ մի նշան չկա, որ այս մարդը մտածում է ինչ-որ մեկի մասին, բացի իրենից: Նա 78-ամյա միլիարդատեր է, որը չի դադարում նվնվալ իր խնդիրների մասին ինը տարի առաջ ոսկե շարժասանդուղքով իջնելուց հետո»,- հայտարարել Է Օբաման։

Նա նկատի ուներ 2015 թվականը, երբ Թրամփն առաջին անգամ հայտարարեց նախագահի պաշտոնում առաջադրվելու մասին և հայտնվեց Նյու Յորքի իր Trump Tower աշտարակում՝ ոսկեգույն շարժասանդուղքով իջնելով հանրության մոտ։ Այս մասին գրում է Bild-ը:

«Թրամփին հետաքրքրում է միայն իր էգոն, փողը և կարգավիճակը։ Նա չի մտածում ձեր մասին», - հավելել Է Օբաման։

Ընդ որում, ԱՄՆ նախկին նախագահն աջակցել է Քամալա Հարիսին։ Օբամայի խոսքով՝ նա «չի կենտրոնանա իր խնդիրների վրա, նա կկենտրոնանա ձեր խնդիրների վրա»:

«Նախագահ դառնալով՝ նա հոգ կտանի ոչ միայն իր կողմնակիցների մասին, նա կաշխատի ի շահ յուրաքանչյուր ամերիկացու։ Այսպիսինն է Կամալան: Ամերիկային պետք չեն ևս չորս տարվա ամբարտավանություն, անկարողություն և պառակտում», - ասել Է Օբաման։