Ուկրաինայի ԱԳՆ-ից մեկնաբանել են հրադադարի մասին լուրերը
Ուկրաինայի ԱԳՆ-ն հերքել է Արևմուտքի երաշխիքների դիմաց կրակի դադարեցման պատրաստակամության մասին պնդումները: Այս մասին ասվում է Ուկրաինայի արտաքին քաղաքական գերատեսչության տելեգրամյան ալիքում։
«Ուկրաինայի ԱԳՆ-ն հերքում է արտասահմանյան մի շարք ԶԼՄ-ներում հնչեցրած մանիպուլյատիվ պնդումները, թե իբր Ուկրաինան պատրաստ է զիջումների սեփական ինքնիշխանության և տարածքային ամբողջականության հաշվին», - ասվում է նախարարության հաղորդագրության մեջ:
Ինչպես նշում են Ուկրաինայի ԱԳՆ-ից, հակամարտության լուծման միակ հնարավոր ճանապարհը «եղել և մնում է Կիևի խաղաղության բանաձևը»:
Մինչ այդ Ուկրաինայի նախագահ Վլադիմիր Զելենսկին հայտարարել էր, որ Կիևը հուլիսից աշխատում է այսպես կոչված «խաղաղության բանաձևի» վրա, որի կազմումը նախատեսվում է ավարտել նոյեմբերին:
