Զելենսկին հայտարարել է, թե ինչ է ակնկալում Մակրոնից

Ուկրաինայի նախագահ Վլադիմիր Զելենսկին հինգշաբթի Փարիզում կայացած հանդիպման ժամանակ Ֆրանսիայի նախագահ Էմանուել Մակրոնին ներկայացրել է Ուկրաինայի հաղթանակի ծրագիրը։

«Ես այսօր Էմանուել Մակրոնի հետ կիսվել եմ մեր ծրագրերով, հաղթանակի պլանով և ռազմի դաշտում տիրող իրավիճակով»,- ասել է Զելենսկին Մակրոնի հետ հանդիպումն ամփոփելիս: 

Նա շնորհակալություն է հայտնել Մակրոնին և Ֆրանսիային ռուսական լայնածավալ ներխուժման հենց սկզբից Ուկրաինային աջակցելու համար։

«Ես շատ շնորհակալ եմ ոչ միայն այսօրվա հանդիպման` այլ այն ամենի համար ինչ արել եք մինչ այս պահը: Մենք պատրաստվում ենք ձմռանը և ձեր աջակցության կարիքն ունենք», - ասել է Զելենսկին։

Նա ասել է, որ Ֆրանսիայից օգնության հույս ունի, քանի որ Ուկրաինայի զինված ուժերն այժմ սպառազինության լուրջ պակաս են զգում։