Եթե Թրամփը պարտվի, ինձ կազատազրկեն. Իլոն Մասկ

Իլոն Մասկը ենթադրում է, որ ինքը կհայտնվի բանտում, եթե ԱՄՆ նախագահի հանրապետական ​​թեկնածու Դոնալդ Թրամփը գալիք ընտրություններում պարտվի դեմոկրատ մրցակից Կամալա Հարիսին։

«Եթե նա պարտվի, իմ վերջը եկել է», - ասել է Մասկը երկուշաբթի օրը լրագրող Թակեր Կարլսոնին տված հարցազրույցում:

Մասկը սկսեց բացահայտորեն աջակցել Դոնալդ Թրամփին, ով Հանրապետական ​​կուսակցությունից հավակնում է ԱՄՆ նախագահի պաշտոնին, նախընտրական պայքարում Թրամփի դեմ հուլիսյան մահափորձից հետո։ Ավելի ուշ Թրամփը Մասկին հարցազրույց է տվել X կայքում (նախկինում՝ Twitter), որը, ըստ ձեռնարկատիրոջ, հավաքել է ավելի քան 1 միլիարդ դիտում։

Հոկտեմբերի 5-ին միլիարդատերը միացավ Բաթլերում հանրապետականների հանրահավաքին և ասաց, որ իր հաղթանակն անհրաժեշտ է ԱՄՆ-ում Սահմանադրության և ժողովրդավարության պահպանման համար։