Փարիզից արձագանքել են Մակրոնի «խայտառակ» առաջարկի մասին Նեթանյահուի հայտարարությանը
Ելիսեյան պալատը չափազանց կտրուկ է համարում Իսրայելի վարչապետ Բենյամին Նեթանյահուի արձագանքը Ֆրանսիայի նախագահ Էմանուել Մակրոնի առաջարկին՝ դադարեցնել զենքի մատակարարումները, որոնք կարող են օգտագործվել Գազայի հատվածում ռազմական գործողություններում: Այս մասին հայտնում է Agence France-Presse-ը՝ վկայակոչելով Ֆրանսիայի նախագահի վարչակազմի հայտարարությունը։
«Ավելորդ խոսքեր, որոնք չեն համապատասխանում Ֆրանսիայի և Իսրայելի միջև բարեկամությանը», - մեջբերում Է գործակալությունը Ելիսեյան պալատի ներկայացուցչի հայտարարությունը: Մակրոնի վարչակազմում հավաստիացրել են, որ Ֆրանսիան շարունակում է մնալ «Իսրայելի անփոփոխ բարեկամը»:
Մակրոնը հոկտեմբերի 5-ին France Inter ռադիոյի եթերում կարծիք է հայտնել, որ Գազայում ռազմական գործողությունների համար Իսրայելին զենքի մատակարարման դադարեցումը առաջնահերթություն է հակամարտության քաղաքական կարգավորման ճանապարհին: Ֆրանսիայի նախագահը, հիշատակելով Լիբանանում Իսրայելի գործողությունը, նաև հայտարարել է, որ անթույլատրելի է համարում լիբանանցի ժողովրդին «զոհաբերելը»: Նա ընդգծել է, որ Լիբանանը չպետք է դառնա նոր Գազա եւ կոչ է արել դադարեցնել ռազմական գործողությունները:
Նեթանյահուն խայտառակություն է անվանել զենքի մատակարարումը դադարեցնելու Մակրոնի առաջարկը և հայտարարել, որ Իսրայելը կհաղթի բոլոր հակառակորդներին նույնիսկ առանց Արևմուտքի օգնության:
