Ստոլտենբերգը հնարավոր է համարել Ուկրաինայի անդամակցությունը ՆԱՏՕ-ին առանց կորցրած տարածքների

Ուկրաինան կարող է ՆԱՏՕ-ին անդամակցել առանց կորցրած տարածքների, այդ դեպքում անվտանգության երաշխիքները կտարածվեն միայն Կիեւի վերահսկողության տակ գտնվող տարածքների վրա, Financial Times-ին տված հարցազրույցում հայտարարել է դաշինքի պաշտոնաթող գլխավոր քարտուղար Յենս Ստոլտենբերգը:

«Այդ խնդրի լուծման ուղիներ կան: Եթե կա գիծ (մինչև որ գործելու են անվտանգության երաշխիքները), որը պարտադիր չէ, որ միջազգայնորեն ճանաչված սահման լինի»։

Միաժամանակ նա կոչ է արել զգուշությամբ զուգահեռներ անցկացնել, քանի որ «ոչ մի զուգահեռ 100 տոկոսով ճիշտ չէ»։ ԱՄՆ-ն անվտանգության երաշխիքներ է տվել Ճապոնիային, բայց դրանք չեն ընդգրկում Կուրիլյան կղզիները», - նշել է նախկին գլխավոր քարտուղարը։

Ստոլտենբերգը նաև հիշեցրել է ՆԱՏՕ-ին Արևմտյան Գերմանիայի անդամակցության մասին:

«Երբ կա կամք, լուծում գտնելու ուղիներ կան», — ընդգծել է դաշինքի նախկին գլխավոր քարտուղարը։

Պատասխանելով այն հարցին, թե ինչ կառաջարկեր Ուկրաինայի նախագահ Վլադիմիր Զելենսկուն, Ստոլտենբերգը հիշատակել է սովետա-ֆիննական պատերազմը. «պատերազմն ավարտվեց նրանով, որ նրանք [ֆինները] տվեցին տարածքի 10% - ը, բայց նրանք ապահով սահման ստացան»։